સર્વ ઈતિહાસનો સિદ્ધાંત એક છે રે – ગંગાસતી – શ્રી રાજેન્દ્રપ્રસાદજી

August 16th, 2011

સર્વ ઈતિહાસનો સિદ્ધાંત એક છે રે – ગંગાસતી – શ્રી રાજેન્દ્રપ્રસાદજી

સર્વ ઈતિહાસનો સિદ્ધાંત એક છે રે, સમજવી સદ્દગુરુની સાન ;
વિપત્તિ આવે પણ વૃત્તિ ન ડગાવવી ને, મેલી દેવું અંતરનું માન રે…
સર્વ ઈતિહાસનો સિદ્ધાંત એક છે રે…
પ્રખ્યાતિ પાનબાઈ ! એવાની થઈ રે, જેણે શીશ તો કર્યાં કુરબાન રે ;
વિપત્તિપણું એના ઉરમાં ન આવે ને, જેને મા’રાજ થયા છે મે’રબાન રે…
સર્વ ઈતિહાસનો સિદ્ધાંત એક છે રે…
ભાઈ રે ! શીશ પડે પણ એનાં ધડ લડે ને, જેણે સાચો માંડયો સંગ્રામ રે ;
પોતાનું શરીર જેણે વહાલું નવ કીધું રે, ત્યારે રીઝે રે પાનબાઈ ! રામ…
ભક્તિ વિનાના ભગવાન રિઝાય નહિ રે, ભલે કોટિ કરે ઉપાય ;
ગંગાસતી એમ બોલિયાં રે, આપદા ભક્તિ વિના નવ જાય રે…
સર્વ ઈતિહાસનો સિદ્ધાંત એક છે રે…

ગંગાસતી, શ્રી રાજેન્દ્રપ્રસાદજી શાસ્ત્રી, સંતવાણી ગંગાસતી,શ્રી રાજેન્દ્રપ્રસાદજી શાસ્ત્રી

You can follow any responses to this entry through the RSS 2.0 feed.
You can leave a response, or trackback from your own site.

આ ઈતિહાસ જ્યારે પાનબાઈએ સાંભળ્યો રે – ગંગાસતી – શ્રી રાજેન્દ્રપ્રસાદજી«

»મોહજીત રાજા મહાવિવેકી રે – ગંગાસતી – શ્રી રાજેન્દ્રપ્રસાદજી

આનંદ આશ્રમ