સદગુરુ તમે મારા તારણહાર.. (ડુંગરપુરી)
સદગુરુ તમે મારા તારણહાર.. ડુંગર પુરી
સતગુરુ ! તમે મારા તારણહાર‚ હરિ ગુરુ ! તારણહાર
આજ મારી રાંકની અરજું રે‚ ખાવંદ ધણી સાંભળજો ગુરુજી એ… હો… જી…
કેળે રે કાંટાનો હંસલા ! સંગ કર્યો ગુરુજી !
કાંટો કેળું ને ખાય .. કાંટો કેળું ને ખાય ..
આજ મારી રાંકની અરજું રે‚ ખાવંદ ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….૦
આડા રે ડુંગર ને વચમાં વન ઘણા ગુરુજી !
એ જી રે આડી કાંટા કેરી વાડ .. આડી કાંટા કેરી વાડ ..
આજ મારી રાંકની અરજું રે‚ ખાવન ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….૦ ઊંડા રે સાયર ને હંસલા ! નીર ઘણાં ગુરુજી !
એ જી બેડી મારી કેમ કરી ઊતરે પાર ?
આજ મારી રાંકની અરજું રે‚ ખાવન ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….૦
ગુરુના પ્રતાપે ડુંગરપુરી બોલીયા ગુરુજી !
એ જી દેજો અમને સાધુ ચરણે વાસ
આજ મારી રાંકની અરજું રે‚ ખાવન ધણી સાંભળજો ગુરુજી એ… હો… જી…
સતગુરુ ! તમે મારા તારણહાર….૦
