આનંદ આશ્રમ

સંતો ફેરો નામ ની માળા – ખીમ સાહેબ (કલ્યાણદાસ મેસવાણીયા)

સંતો ! ફેરો નામની માળા,
હે જી તેરા કટે જનમ જંજાળા… સંતો…
ગુરુગમ કેરી કૂંચી કર લે, કટે મોહકા તાળાં
ઈ તાળાંને દૂર કરો તો, ઘટ ભીતર અંજવાળાં… સંતો…
આ કાયામાં પરગટ ગંગા, શીદ ફરો પંથપાળા,
ઈ ગંગામાં અખંડ નાઈ લ્યો, મત નાવ નદિયું નાળા.
આ દિલ ભીતર બુદ્ધિ સમુંદર, ચલત નાવ ચોધાર,
ઈ રે નાવમાં હીરલા માણેક, ખોજે ખોજનહારા… સંતો…
સમરણ કર લે, પ્રાશ્વિત કર લે, ચિત્ત મ કર તું ચાળા,
ખીમદાસ ગુરુ ભાણ પ્રતાપે, હરદમ બોલે પ્યારા… સંતો…