વીણવો હોય તો રસ વીણી લેજો – ગંગાસતી – શ્રી રાજેન્દ્રપ્રસાદજી

August 16th, 2011

વીણવો હોય તો રસ વીણી લેજો – ગંગાસતી – શ્રી રાજેન્દ્રપ્રસાદજી

વીણવો હોય તો રસ વીણી લેજો, હવે આવ્યો છે બરાબર વખત ;
ઊભા રે થાઓ પાનબાઈ શૂરવીરપણું દાખવો, લાંબો નથી કાંઈ પંથ…
વીણવો હોય તો રસ વીણી લેજો…
આ રસપાન પાનબાઈ ! અગમ અપાર છે, કોઈને કહ્યો નવ જાય રે ;
એ રસ હું તમને બતાવું પાનબાઈ ! ગુરુની પૂરણ થઈ છે કૃપા ય…
વીણવો હોય તો રસ વીણી લેજો…
આ અજર રસ કોઈથી જરે નહિ, અધૂરાંને આપ્યે ઢોળાઈ જાય ;
પીઓને પિયાલો પ્રેમે કરીને પાનબાઈ ! ત્યારે લે’રમાં લે’ર સમાય રે…
વીણવો હોય તો રસ વીણી લેજો…
આપ્યો રસ ને ખોળામાં બેસાડયાં, મૂકયો છે મસ્તક ઉપર હાથ રે ;
ગંગાસતી એમ બોલિયાં રે, ત્યાં તો નિરખ્યા ત્રિભુવન નાથ…
વીણવો હોય તો રસ વીણી લેજો…

ગંગાસતી, શ્રી રાજેન્દ્રપ્રસાદજી શાસ્ત્રી, સંતવાણી ગંગાસતી,શ્રી રાજેન્દ્રપ્રસાદજી શાસ્ત્રી

You can follow any responses to this entry through the RSS 2.0 feed.
You can leave a response, or trackback from your own site.

ચક્ષુ બદલાણી ને સુવાંતું રે વરસી રે – ગંગાસતી – શ્રી રાજેન્દ્રપ્રસાદજી«

»આ ઈતિહાસ જ્યારે પાનબાઈએ સાંભળ્યો રે – ગંગાસતી – શ્રી રાજેન્દ્રપ્રસાદજી

આનંદ આશ્રમ