પી લેવો હોય તો રસ પી લેજો પાનબાઈ… – ગંગાસતી – ડૉ.નિરંજન રાજ્યગુરુ
August 1st, 2011
પી લેવો હોય તો રસ પી લેજો પાનબાઈ… – ગંગાસતી – ડૉ.નિરંજન રાજ્યગુરુ
પી લેવો હોય તો રસ પી લેજો પાનબાઈ… – ગંગાસતી – શ્રી રાજેન્દ્રપ્રસાદજી
પી લેવો હોય તો રસ પી લેજો પાનબાઈ ! પિયાલો આવ્યો છે તત્કાળ ;
વખત ગયા પછી પસ્તાવો થાશે પાનબાઈ ! અચાનક ખાશે તમને કાળ…
પી લેવો હોય તો રસ પી લેજો…
જાણવી હોય તો વસ્તુ જાણી લે જો, નીકર જમીનમાં વસ્તુ જાશે ;
નખશીખ ગુરુજીએ હ્રદયમાં ભરી તો આ, ઠાલવવાનું ઠેકાણે કે વાશે…
પી લેવો હોય તો રસ પી લેજો…
આપ રે મૂઆ વિના અંત નહિ આવે રે, ગુરુગમ વિના ગોથાં મરને ખાવે ;
ખોળામાં બેસાડી વસ્તુ તમને આપું, જેથી આપપણું તરત ગળી જાવે…
પી લેવો હોય તો રસ પી લેજો…
આ વખત આવ્યો છે તમારે ચેતવાનો રે, માન મેલીને થાઓ હોશિયાર ;
ગંગાસતી એમ બોલિયાં રે, હવે તમે હેતનાં બાંધો હથિયાર…
પી લેવો હોય તો રસ પી લેજો…
