કુપાત્રની આગળ વસ્તુ ન વાવીએ ને… – ગંગાસતી – ડૉ.નિરંજન રાજ્યગુરુ
August 1st, 2011
કુપાત્રની આગળ વસ્તુ ન વાવીએ ને… – ગંગાસતી – ડૉ.નિરંજન રાજ્યગુરુ
કુપાત્રની આગળ વસ્તુ ન વાવીએ ને… – ગંગાસતી – શ્રી રાજેન્દ્રપ્રસાદજી
કુપાત્રની આગળ વસ્તુ ન વાવીએ ને, સમજીને રહીએ ચૂપ રે ;
મરને આવીને ધનનો ઢગલો કરે ને, ભલે હોય મોટો ભૂપ રે…
કુપાત્રની આગળ વસ્તુ ન વાવીએ…
ભજની પુરુષે બેપરવા રહેવું ને, રાખવી નહિ કોઈની પરવાહ રે ;
મોટાની આગળ નવ ઉચ્ચારવું ને, બાંધવો સુરતાનો એકતાર રે…
કુપાત્રની આગળ વસ્તુ ન વાવીએ…
ઉપદેશ દેવો તો પ્રથમ ભગતિ દેખાડવી ને, ગાળી દેવો તેનો મોહ રે ;
દયા કરવી તેની ઉપર ને, રાખવો ઘણો કરીને સોહ રે…
કુપાત્રની આગળ વસ્તુ ન વાવીએ…
સંશય ટળે ને મનડું ગળે ને, રાખે નહિ કોઈ પર દ્વેષ રે ;
ગંગાસતી એમ બોલિયાં રે, એવાને દેખાડવો હરિનો દેશ રે…
કુપાત્રની આગળ વસ્તુ ન વાવીએ…
